Yr.2_22/10/07_登陸馬灣

今日daddy放假，婆婆推介馬灣公園一日遊，於是公公婆婆、daddy同埋我一行四人，勇闖馬灣。嗰度風景優美！

Yr.2_21/10/07_沙灘拾貝

再闖青山灣！

Yr.2_19/10/07_首度宿營

十八號晚，我首度宿營，同埋教會啲哥哥姐姐去茶園。原本daddy媽me想同我去露營，不過擔心我應付唔嚟，所以細細地玩下。今次，我仲認識到「阿財」同埋「四眼仔」，你哋唔使喺張相嗰到搵，「阿財」同「四眼仔」冇入鏡，佢哋係茶園裡面o既狗仔朋友！出咗camp之後，我每逢諗起佢哋，就會大聲呼喚「阿財」、「阿仔」……

Yr.2_15/10/07_手指指

我唔係挖鼻屎，我乃係用手指指住個鼻「哥」窿啫！

Yr.2_14/10/07_開放日

今日，我屋企樓下o既幼稚園開放日，daddy媽me同我去完教會崇拜後，入去走咗個圈，仲攞咗好多禮物tim。途中遇到我全家人都鍾意o既GR，喺佢主人同意下同佢合照。我特登唔望住佢，扮cool！

Yr.2_10/10/07_極速長大

「嘩！大個女咗咁多！」人哋一個月減咗廿磅，我一個月就大咗三十日！好犀利呀！

Yr.2_7/10/07_BB會議

今晚，Daddy開會，我都跟埋去。估唔到巧遇陸氏姊弟，我哋決定另開高峰會！

Yr.2_6/10/07_「擒」

我都可以跟啲哥哥咁，「擒」高「擒」低。我都覺得有啲粗魯！

Yr.2_30/9/07_登忠僕號

今晚，daddy媽me同我登上現時全球最老o既在航郵輪「忠僕號」，佢將會喺三年後正式退役，lee次可能係佢最後一次o既訪港之旅。不過，經過我上去探佢之後，我發覺佢老當益壯，仲載著唔同國籍o既船員，同埋一個全球最大o既流動書展tim。

Yr.2_26/9/07_中秋情緣

今日我哋去咗茶園退修，亦係一個好機會順便郊遊。
鳴謝︰ 天樂弟弟借出時款帽子俾我扮板仔。(按此探下天樂)

Yr.2_26/9/07_Shout for "Bear"

食晚飯有感而發︰「Bear Bear」！daddy媽me一直都問緊我lee句係乜嘢意思，我冇答到佢哋，但係佢哋深信我所講o既，背後係有意思o既！

Yr.2_25/9/07_愛護動物

哎呀！其實，我好鍾意狗仔，嗰個片段只係我同Chunky溝通o既方法。無辦法啦，大家言語不通，唯有用身體語言！姑媽，你幫我評下理嘞！

Yr.2_20/9/07_舊地重遊

舊地重遊。上次細細粒，今次大大「舊」 ！（仲遮住咗阿「py」，sorry！）原來事隔一年零三個多月lu！可按此看看。

Yr.2_20/9/07_嫦娥在屯門

夜晚，我同daddy媽me去屯門市廣場扮嫦娥。

Yr.2_19/9/07_鼓王

等我來個fill-in先！多謝Alan叔叔過兩招俾我。

Yr.2_12/9/07_三人北行

Daddy上大陸開會，我同媽me都一齊去。第一次出境，唔係好知規矩，帶唔齊啲證件，不過香港海關個阿sir俾咗個「方便」我，先至唔使掃興！

Yr.2_9/9/07_陳笑容小姐

lee位小姐笑容一流、正！

Yr.2_3/9/07_踎低起身見頭痕

Yr.2_1/9/07_Watoto滑滔滔

Watoto再次來港獻唱，今次daddy媽me特別漏夜帶我去大埔浸信會參加佢哋o既音樂會。lee班非洲嚟o既朋友仔個個都笑口常開，其實佢哋身世好慘o架，父母因為愛滋病而離世，成為無依無靠o既孤兒，但係佢哋個個都話多謝天父拯救咗自己，依家唔同晒，個個希望成為烏干達o既領袖，改變世界！我都好感動！哈利路亞！阿們！有興趣了解點樣可以參與幫助更多愛滋遺孤，請瀏覽lee個網址︰http://www.watoto.com/。

Yr.2_24/8/07_我為雪糕狂

雪糕，我要征服你！

Yr.2_20/8/07_飲食禮儀

俾我睇下啦，Shammah姐姐！咪摭住個嘴啦，唔該！「我食緊嘢，唔會講嘢，咁樣無禮貌o架！」知道！

Yr.2_19/8/07_尋找他鄉的故事

「今集攝製隊探訪一對飄泊菲國o既母女，聽佢哋講下喺當地o既故事……」唔該晒你呀，King Sir！

Yr.2_18/8/07_紮辮好靚

我最近發現咗紮辮原來係好靚，所以依家我唔會阻止daddy媽me幫我紮辮！大家要知道lee個係真理！

Yr.2_11/8/07_連環「逃」

lee個連環圖亦係我o既連環「逃」！你哋知唔知點解坐監o既人咁想逃獄？答案好簡單︰因為個監獄好擠迫！美國有電視台都就此話題，拍咗套連續劇，我諗你哋有人追過lee套劇，好似叫做「prison迫」。不過，我無睇過，但係我有睇過我被拍低o既逃獄過程。唔好覺得奇怪，BB仔都有佢哋o既監獄，有人講嗰個就係BB床。