Yr.2_20/11/07_Sushi Dinner

晚飯時間，一齊食壽司！

Yr.2_19/11/07_USJ探好友

噚晚好夜先至落機，到酒店已經係12點，我哋第二日先正式行程。今日，去咗日本環球影城玩，好好玩！USJ入面有我最鍾意o既卡通人物，有毛毛啦、did加（即係史力加）啦、Hello Kitty啦……Daddy媽me只係同我探我o既好朋友已經玩咗成日嘞！其實，因為我唔夠95cm咁高，所以只係可以睇表演，未有得玩啫。Daddy媽me為咗陪我，更加玩唔到過山車、ET、蜘蛛俠、Jurassic Park、回到未來……不過，我竟然可以玩大白鯊同埋烈火雄心！驚驚呀！

Yr.2_19/11/07_中日食物外交

今次去USJ，除咗盡情玩之外，我仲有一個任務︰攪好中日關係！我透過最耍家o既一招－－食嘢－－攪中日外交。果然「食物外交」係行得通！首先我買咗一大桶爆谷，仲用聖誕樹（加添節日氣氛嘛！）裝著 ，然後請日本娃娃食，之後佢送咗成筒糖俾我，我哋一邊食一邊睇芝麻街表演，最後我哋手拖手合照。由互不相識到拖手合照，整個過程雖然言語不通，但係透過食物，我打開咗中日關係！
（按此看看更多相片。）

Yr.2_18/11/07_雙腳離地

今日喺我人生中首次乘搭飛機，心情有啲緊張，話晒第一次雙腳離地幾個鐘頭嘛！Daddy媽me都有啲緊張，因為第一次帶BB上機，daddy仲大鄉里，一上機就將我放喺座位上，仲差啲幫我扣安全帶。我諗daddy早應該問下做空姐o既舅母，就無咁「瘀」！原來，我帶嗰條BB安全帶係連接去媽me條安全帶嗰度，我覺得好似袋鼠咁！
有人話帶BB去旅行好嘥，話佢哋未識嘢，都唔知做緊乜。不過，daddy媽me覺得就算我唔知發生乜嘢事，起碼佢哋有個難忘o既回憶，況且我知道去邊度旅行！係去「本」玩！

Yr.2_12/11/07_黃金寶

我係阿寶！唔係黃金寶，而係黃金海岸o既縮水寶姑姐！

Yr.2_8/11/07_阿尼公園

每位朋友都有一對眼，但係無一位望住鏡頭！

Yr.2_8/11/07_醜怪

lee兩位朋友仔好似成日都唔記得著褲仔，好醜怪！

Yr.2_7/11/07_面試

我今日o係筲箕灣某間幼稚園面試，我好鍾意lee度！我鍾意咁樣讀書呀！

Yr.2_5/11/07_再闖馬灣

舅父舅母今日放假同我去馬灣。圖中lee招叫「一字懸垂」，玩體操o既一定識，我一得閒就叫daddy媽me幫我練習。日子有功，表現先至咁好，其他喺屋企o既小朋友千祈唔好學！

Yr.2_4/11/07_工廠街秘密

講個秘密你哋聽︰工廠街盡處有一個好靚o既公園！好玩！

Yr.2_3/11/07_A24

近來，我陳經理四出見客，日理萬機。我試過一日走訪屯門、筲箕灣兩地，我都好鍾意去lee啲公司。「A24」係我喺lee間公司o既臨時商務編號，好一個「林吧」！未來幾年o既生意，我都未決定同邊個商務伙伴去攪！

Yr.2_29/10/07_午後之淺灣

今午之淺灣，有我和媽媽！

Yr.2_28/10/07_再度重遇您

今日，我哋舉家回到daddy媽me信仰娘家探望眾人。老朋友相聚，拖手、搭肩總不可少！之後，節目為行山。大自然妙極！

Yr.2_27/10/07_蛋糕狂徒

我劈、劈、劈……小心！刀冇眼！

Yr.2_22/10/07_登陸馬灣

今日daddy放假，婆婆推介馬灣公園一日遊，於是公公婆婆、daddy同埋我一行四人，勇闖馬灣。嗰度風景優美！

Yr.2_21/10/07_沙灘拾貝

再闖青山灣！

Yr.2_19/10/07_首度宿營

十八號晚，我首度宿營，同埋教會啲哥哥姐姐去茶園。原本daddy媽me想同我去露營，不過擔心我應付唔嚟，所以細細地玩下。今次，我仲認識到「阿財」同埋「四眼仔」，你哋唔使喺張相嗰到搵，「阿財」同「四眼仔」冇入鏡，佢哋係茶園裡面o既狗仔朋友！出咗camp之後，我每逢諗起佢哋，就會大聲呼喚「阿財」、「阿仔」……

Yr.2_15/10/07_手指指

我唔係挖鼻屎，我乃係用手指指住個鼻「哥」窿啫！

Yr.2_14/10/07_開放日

今日，我屋企樓下o既幼稚園開放日，daddy媽me同我去完教會崇拜後，入去走咗個圈，仲攞咗好多禮物tim。途中遇到我全家人都鍾意o既GR，喺佢主人同意下同佢合照。我特登唔望住佢，扮cool！

Yr.2_10/10/07_極速長大

「嘩！大個女咗咁多！」人哋一個月減咗廿磅，我一個月就大咗三十日！好犀利呀！

Yr.2_7/10/07_BB會議

今晚，Daddy開會，我都跟埋去。估唔到巧遇陸氏姊弟，我哋決定另開高峰會！

Yr.2_6/10/07_「擒」

我都可以跟啲哥哥咁，「擒」高「擒」低。我都覺得有啲粗魯！