Day 104_13/4/06_PG家長指引(三)

你哋準備好未？等我運一運啲氣先……

Day 104_13/4/06_PG家長指引(四)

「霞」！ 吹吹口水波！

Day 104_13/4/06_PG家長指引(五)

唉！吹到我索哂氣！

Day 104_13/4/06_PG家長指引(六)

各位喺屋企嘅小朋友千祈唔好學呀！

Day 103_12/4/06_使命宣言

今日係一個好重要嘅日子，係我人生第一次去參加祈禱會，牧師、師母仲同我影相，不過Daddy今次揸機就麻麻地，我其實係想影後面個使命宣言︰「成為一群有信心禱告，樂於傳揚福音，活潑開心的基督徒。」阿們！

Day 102_11/4/06_扮男仔

噚日去飲茶嘅時候，有啲世叔伯話我似男仔，都冇解嘅。其實我係如假包換嘅女仔嚟㗎，你睇吓，我就算著男裝底衫，都一樣咁嬌俏就知啦！

Day 101_10/4/06_第一次嘆茶

今日喺我人生中嘅第一百零一日，正所謂百尺竿頭、更進一步，今日公公、婆婆帶我去嘆茶，我好滿意呢間茶居嘅環境，因為可以見到海底奇兵嘅毛仔！仲影埋相㖭！

Day 100_9/4/06_講心事I

陳經理︰「加菲，你嚟咗我公司有幾耐？」
加菲︰「都有三年啦！」
陳經理︰「你覺得我睇唔睇你先？」 

Day 100_9/4/06_講心事II

加菲︰「仲使講！睇得好貼、好緊㖭！」

Day 100_9/4/06_講心事III

傻雄︰「弊！經理，亞太區行政總裁羅威嚟巡視業務噃！」
平時穩健嘅陳經理，一時之間，陣腳大亂。

Day 100_9/4/06_講心事IV

陳經理陣腳大亂到一個地步，唔小心咁「伸」咗佢一腳。 

Day 100_9/4/06_講心事V

經理對自己魯莽嘅行為感到極之內疚，猛咁同羅威「沙林」。

Day 100_9/4/06_講心事VI

事後，好在羅總裁大人不記小人過，仲話要同我搭膊頭影相㖭。

Day 100_9/4/06_講心事VII

陳經理︰「加菲，點解每次我食手、偷懶嘅時侯，都會俾人發現呢？傻雄同我講，可能有內奸，佢話嗰啲人對眼成日都唔眨咁望住你，就係㗎嘞！加菲，so far我真係未見過你眨眼，你係唔係羅威枝針呀？」

Day 99_8/4/06_口水多過茶

Daddy話佢其實好少嘢講，但係我就偷聽到媽me話唔係，我都贊成媽me嘅睇法，因為Daddy真係成日同我講嘢，你見我咁多口水就知道我有佢嘅遺傳啦！

Day 98_7/4/06_傷心大發現

吓……？我今日喺書枱面，發現咗啲嘢！媽me喺本日記嗰度寫咗啲關於我嘅嘢！你哋睇下……不過，我要澄清一點，就係嗰啲整到婆婆嘅並唔係屎，而係尿；同埋，成件事都係因為Daddy幫我換尿片換得唔好所致！所以，我諗佢要負上全責！
 

Day 97_6/4/06_影樓

我發覺自己愈來愈專業，一見到攝影機鏡頭就識望住猛笑，有時仲會興奮得手舞足蹈。就係因為咁，有啲相笑得好靚，但係動作太大，半個頭出咗鏡，攝影師都要慨嘆。我好多時都喺張床仔度影相，張床好似變成咗影樓，日日拍人像攝影。不過呢間影樓冇乜錢，背景嚟嚟去去都冇乜變化，我唯有落力一啲，表情盡量豐富啲！

Day 96_5/4/06_沐浴

今日，Daddy幫我沖涼，我猛咁踢水，媽me就喺隔離打氣，好好玩！

Day 95_4/4/06_兒童節．換季日

聽人講「未食五月粽，寒衣不可送」如果係咁，我就大件事，起碼要等幾年先可以食得粽，有排都唔著得短袖衫。不過，我唔理咁多，一於趁住兒童節，自己換咗啲新短袖衫。經理大哂！祝各位經理兒童節快樂，業務蒸蒸日上！

Day 94_3/4/06_打針英雄傳

我又去啪針嘞！今次我唔會驚嘅！

Day 93_2/4/06_西北長征

我今日真係威，第一次遠行，搭咗三條鐵路用咗個半鐘入到家鄉屯門。等我嚟介紹，身後就係Daddy嘅童年成長地方。

Day 93_2/4/06_佢怕醜﹖

返到爺爺嫲嫲屋企，我就即刻坐喺梳化「腳印印」，但係就唔見咗一位家庭核心成員，唔通佢怕醜？聽講佢行路要用四隻腳，人稱Chunky。

Day 93_2/4/06_唔望鏡

老老套套全家福，我要扮型唔望鏡頭。

Day 93_2/4/06_外星人

第三類接觸，邊個係外星人？

Day 92_1/4/06_遙望大西北

今日我喺軍營養精蓄銳，預備明天十萬里長征！一統大西北！Daddy話佢明天會先去石崗，我同madam mum當收到指令就立即出發！我都係唔講咁多，要集中精神等order。