Monday, December 31, 2007

Yr.2_31/12/07_1歲x2

兩歲生日,公公婆婆、daddy搶先同我慶祝!上年,成家人同我慶祝,我仲細,未知發生乜事;今年唔同啦,我自己又吹爉燭又切蛋糕!Posted by Picasa

Wednesday, December 26, 2007

Yr.2_26/12/07_燒烤樂

今日我哋一家人去BBQ,不過只欠daddy,因為佢有事在身。今次佢走寶啦,天氣晴朗、景色怡人、食物豐富……「媽me,我又燒!」「你揸住乜呀?」Posted by Picasa

Tuesday, December 25, 2007

Yr.2_25/12/07_又到聖誕

又到聖誕啦!今年天樂弟弟識行啦!唔只咁,佢仲識做掌上壓tim!Posted by Picasa

Yr.2_25/12/07_聖誕whistle

趁大家唔覺,等我吹下個party哨子先!不過,唔知個哨子係邊個玩完放低嘅。幾好玩喎!

Monday, December 24, 2007

Yr.2_24/12/07_我抱你

「er... er...」「你想點呀?」「我抱你!」Daddy媽me最近經常聽到我lee個訴求,多次問我究竟係邊個抱邊個?Posted by Picasa

Monday, December 17, 2007

Saturday, December 15, 2007

Sunday, December 02, 2007

Yr.2_2/12/07_化咗妝都認得我

今日我跟daddy去開會,好開心又見到陸小姐,佢識化妝o架,仲好有心機同我化。我諗我化咗妝之後,大家都唔會唔認得我o既!因為我只係帶咗個頭飾啫。Posted by Picasa

Wednesday, November 28, 2007

Yr.2_28/11/07_關心大事

離開香港幾日,無得睇中文報章,問公公借份報紙睇下先!咦……「環球片場空降南韓」?大件事!Posted by Picasa

Friday, November 23, 2007

Yr.2_23/11/07_我走啦!

今日係行程最後一日,我哋喺大阪市行下,傍晚o既時候就搭機走啦!路經火車站o既大堂,有個廣告叫啲家長帶小朋友去東京探阿奇,不過daddy媽me話遲啲有機會先同我去。去唔到東京阿尼玩,望下都好!我攞著阿頭企係度望咗好耐!講開阿頭,你哋可能唔知係邊位,其實佢係我隨身攜帶o既枕頭,我哋感情好深。除咗食嘢之外,佢可以話係我o既第二最愛,好鍾意摸住佢嚟瞓覺。不過,當我哋返到香港機場o既時候,發現唔見咗阿頭,曾經引起一度恐慌。媽me大為緊張,因為好難買得番阿頭,怕我會扭計。daddy媽me諗嚟諗去都唔知喺邊度同阿頭失散,唯一線索就係lee張相,證明阿頭當時仲喺度。最終點樣?哈!搵唔到!Posted by Picasa

Thursday, November 22, 2007

Yr.2_22/11/07_銀河鉄道



銀河鐵路999?唔係呀!我哋今日去咗京都市郊嵐山,坐嵯峨野觀光鐵道o既小火車,觀賞保津峽同保津川o既美麗自然風光,lee個季節係欣賞紅葉o既好時機,好靚呀!到終點站龜岡之後,開過家庭會議,我哋決定坐觀光船回程,二百幾港元一位,都幾貴o架!不過,物超所值,沿保津川而下,足足觀賞咗兩個鐘頭o既美景。除咗河川流水聲外,就係船夫兼嚮導o既介紹(可惜聽唔明日文),去到一啲水流較平靜o既河段,更覺寧靜。其間,更落咗一場過雲雨,雨後彩虹出現喺兩峽之間,形成一條天橋,簡直係錦上添花!神,您好勁呀!不過,我都係聽番daddy媽me講咋,因為成程我瞓咗個幾鐘……其實,daddy媽me都係亂打亂撞,當決定咗出發日期同旅遊地點,先至詳細睇下有乜嘢玩,又唔知道有紅葉睇,後來至發現lee個景點係賞紅葉o既好地方,真係傻仔闖七關!Posted by Picasa

Tuesday, November 20, 2007

Yr.2_20/11/07_海遊館


今日去咗海遊館睇海洋生物,個水族館有幾層樓咁大!厲害!Posted by Picasa

Yr.2_20/11/07_我係Janio


我第一次打機,同Daddy玩Mario賽車,唔係用支筆,真係用呔盤。開車前仲影咗張車手英姿照,有鬚㗎!我係Janio!Posted by Picasa

Yr.2_20/11/07_日本姐姐x2


頭兩晚住package包嘅酒店,今晚開始住homestay,我哋成家都係第一次試,喺當地家庭親身感受下日本嘅文化。佢哋好好客㗎,特別係兩位姐姐,招呼我玩廚房玩具,大姐姐叫Honoka,細姐姐叫Kokone。我好掛住佢哋,返到香港仲間唔中呼喚Kokone姐姐!Posted by Picasa

Yr.2_20/11/07_Sushi Dinner


晚飯時間,一齊食壽司!Posted by Picasa

Monday, November 19, 2007

Yr.2_19/11/07_USJ探好友

噚晚好夜先至落機,到酒店已經係12點,我哋第二日先正式行程。今日,去咗日本環球影城玩,好好玩!USJ入面有我最鍾意o既卡通人物,有毛毛啦、did加(即係史力加)啦、Hello Kitty啦……Daddy媽me只係同我探我o既好朋友已經玩咗成日嘞!其實,因為我唔夠95cm咁高,所以只係可以睇表演,未有得玩啫。Daddy媽me為咗陪我,更加玩唔到過山車、ET、蜘蛛俠、Jurassic Park、回到未來……不過,我竟然可以玩大白鯊同埋烈火雄心!驚驚呀!Posted by Picasa

Yr.2_19/11/07_中日食物外交

今次去USJ,除咗盡情玩之外,我仲有一個任務︰攪好中日關係!我透過最耍家o既一招--食嘢--攪中日外交。果然「食物外交」係行得通!首先我買咗一大桶爆谷,仲用聖誕樹(加添節日氣氛嘛!)裝著 ,然後請日本娃娃食,之後佢送咗成筒糖俾我,我哋一邊食一邊睇芝麻街表演,最後我哋手拖手合照。由互不相識到拖手合照,整個過程雖然言語不通,但係透過食物,我打開咗中日關係!
按此看看更多相片。)
Posted by Picasa

Sunday, November 18, 2007

Yr.2_18/11/07_雙腳離地

今日喺我人生中首次乘搭飛機,心情有啲緊張,話晒第一次雙腳離地幾個鐘頭嘛!Daddy媽me都有啲緊張,因為第一次帶BB上機,daddy仲大鄉里,一上機就將我放喺座位上,仲差啲幫我扣安全帶。我諗daddy早應該問下做空姐o既舅母,就無咁「瘀」!原來,我帶嗰條BB安全帶係連接去媽me條安全帶嗰度,我覺得好似袋鼠咁!
有人話帶BB去旅行好嘥,話佢哋未識嘢,都唔知做緊乜。不過,daddy媽me覺得就算我唔知發生乜嘢事,起碼佢哋有個難忘o既回憶,況且我知道去邊度旅行!係去「本」玩!Posted by Picasa

Monday, November 12, 2007

Thursday, November 08, 2007