Day 342_7/12/06_Merry Christmas

點解今日標題喺英文﹖皆因呢幅相係由一位外籍人士幫我哋影架！Thank you very much! My Friend! 

Day 341_6/12/06_大個女

據了解，一般女性喺比男性早熟。一睇就知啦，聽講圖左嗰位男士已經一歲有多，仲坐緊車仔，而我就揸緊大巴la！
仲有啊！我依家已經高過公公la！唔信你哋可以度吓架！ 

Day 340_5/12/06_我最似daddy

好多朋友仔都話我似daddy，頭形啦、面形啦、眉形啦、頭髮數量啦、神態啦、但我覺得我o既肥脷就最似嘞！ 

Day 339_4/12/06_單眼推單車

 

Day 338_3/12/06_聖誕樹

今日，參加完姐姐們o既畢業禮，之後趕下場，同爺爺嫲嫲、姑媽、姑姐一齊食晚飯，我哋仲影咗好多相tim。做乜棵聖誕樹同我頂帽咁似樣ge？ 

Day 337_2/12/06_天橋底

今朝，daddy媽me帶我去屋企附近個公園玩，我好興奮，因為係我第一次同daddy媽me去嗰度。我仲喺公園裡面撞到住喺我哋樓下一層o既姐姐，daddy媽me叫我同姐姐打招呼，姐姐多次強調佢叫做「靚女姐姐」。聽講行catwalk嗰啲都係靚女姐姐，唔知姐姐有無行lee條天橋呢？我一於好少理，經過天橋底，用Janewalk行去媽me度先！ 

Day 336_1/12/06_湯馬斯

我唔識湯馬斯盤旋，但係我識湯馬斯火車，呠呠…… 

Day 335_30/11/06_大膽超人

我越來越大膽，以daddy細個o既時候都唔敢試o既「超人式」嚟玩sir滑梯。

Day 334_29/11/06_脫鞋子

我愛脫鞋子，lee隻係我o既戰利品！ 

Day 333_28/11/06_努力向上爬

平時，我就係咁突破防線，衝出「安全玩樂區」，今日俾官方拍到片段…… 

Day 332_27/11/06_我愛公園

今日，daddy媽me同我去公園踩單車。雖然今日正式「新車落地」，但係我鍾情公園o既玩意，成個鐘頭走嚟走去，最終一次都無上過車。

Day 331_26/11/06_李公子

「Daddy，點解咁多男人圍住我ge？」「今日係李先生獻嬰嘛，我哋合照留念呀！」「哦，真係雙喜臨門喎！今日係我哋教會53週年堂慶，又係弟弟大日子，恭喜晒！哈利路亞！感謝主耶穌！」

Day 330_25/11/06_三輪單車

多謝婆婆送lee架三輪單車俾我！我平時坐慣四個轆o既車，唔知少咗個轆係咪好考平行力呢？踩完單車，下晝，媽me同公公婆婆帶我去尖沙咀玩，嗰度已經有聖誕o既佈置，好靚呀！ 

Day 329_24/11/06_遊樂場朋友

今日，公公婆婆又帶我去遊樂場玩，好開心有4-5個哥哥姐姐喺度玩，而咁啱我哋又撞到上次喺lee度見過o既運動員哥哥。佢好叻，識打好多種球類，上次玩網球，今次玩乒乓波，每次都叫我一齊玩，上次我唔識玩，不過今次我就試下啦！ 

Day 328_23/11/06_舅父舅母

今晚，係舅父舅母自結婚以來第一次嚟探我，多謝！梁生梁太！

Day 327_22/11/06_小禮物

我做乜咁開心？因為我擁有自己o既 memo pad……你仲未有？請你問我daddy媽me攞啦！佢哋特別設計嚟送俾大家，代我多謝大家一直以嚟支持我lee個blog！

Day 326_21/11/06_購物車

大家睇下啦！lee架係真o既購物車，平時大家喺超級市場用嗰啲並唔係真！「喂！姐姐揸快啲啦！我等埋你先轉入下個街口呀！」 

Day 326_21/11/06_在恩駕駛

我駕駛得好架勢！

Day 326_21/11/06_玩波有法

大家睇下我點玩波！

Day 325_20/11/06_工業發達

lee部機器終於可以開始投產啦！佢生產乜嘢？歡樂！我依家日日都開工o架！
特別鳴謝︰媽me同事提供機器