Yr.3_8/6/08_非常冒險

今日，我去咗米國冒險樂園玩。其實，我唔係第一次去，不過，今次係Daddy媽me主動提出帶我入去，話同我坐火車。Daddy臨入去o既時候，心諗今次好可能係一個冒險，因為恐怕我玩完都會賴死唔肯走，點知真係！Daddy媽me前後「唱」咗40「蚊」代幣，我玩咗火車、氣墊球、保齡球、掟波同埋打鴨仔之後，Daddy媽me話係時候走，但係我覺得仲未夠喉。於是，扭起計嚟，又坐地、又瞓地、又喊又叫，Daddy媽me點「氹」我都唔聽，媽me嚟最後一招︰自己走，我唯有死死地氣咁跟住走。