媽me榮任第二任母親，Daddy為表支持同謝意，暗暗地在網上訂做咗本精美紀念相集送俾媽me，由台灣空運到港。媽me見妹妹出生咗一段日子，Daddy都無乜表示，以為佢無心肝，殊不知嚟個咁嘅驚喜，就連我咁精明都估唔到Daddy有此一著！點解媽me起初會誤會Daddy無心？因為製作需時也，相集定名為「我們這三年零八個月﹣﹣初為母親的歴程」，顧名思義，最花時間就是要從我出生以嚟眾多靚相選取36張代表作，正所謂「手掌又係肉，手背又係肉！」實在好難取捨，又要編輯文字，我完全明白Daddy嘅艱苦工作。好啦！夠啦，我唔再幫Daddy講好說話，因為我要向偉大嘅媽me致敬︰「由我出生，到妹妹臨近出世，我兩歲十個月，再加上你駝著我嘅十個月，喺呢三年零八個月嘅日子，我好多謝你一切從心底嘅無私付出！」等我同大家分享當中幾頁啦！
Posts
No comments:
Post a Comment