Day 141_20/5/06_媽me同我玩

同媽me玩咗成日，好攰呀！係時候要瞓覺啦！ 

Day 140_19/5/06_攝影大師

公公婆婆好恩愛，經常出雙入對，影相就當然唔會例外。但係lee張相點解會係例外呢？皆因今日只得我哋三人行，daddy媽me返工，冇一齊去飲茶同埋行維園，公公就成為咗攝影師，所以咪冇出鏡。佢好叻，第一次用高科技攝影技術，就幫我影到一輯靚相tim！ 

Day 140_19/5/06_飲杯

lee個係一隻杯，無錯！係一隻杯，係兩頭都飲得o既夜光杯。今日，我仲用lee個道具，開咗部新戲，戲名係「飲勝」，你哋可以喺部戲裏面，睇到lee隻杯點樣飲！請click here 

Day 139_18/5/06_馴獸師

「過嚟！」 

Day 138_17/5/06

 

Day 137_16/5/06_有計

mm……好似有啲計…… 

Day 136_15/5/06_咬牙膠

你哋睇到我仲未有牙仔，實在我依家牙肉痕，daddy媽me好體貼我，今日買咗個咬牙膠俾我，遲啲有機會咬俾大家。 

Day 135_14/5/06_我愛夏日

今日係母親節，天氣非常好，一早開眼就見到藍天，充滿夏日氣息。我愛夏日！多謝天父的創造！亦要多謝天父賜我好媽媽，您就係我生命中o既夏日，係神所賜o既最好！今年係您第一年以母親大人o既身份過母親節，等我送您三個字︰「我愛您！」 

Day 135_14/5/06_DJ播乜歌

唔知今日會唔會播「真的愛妳」呢？我要點俾媽me聽！都送埋俾世上所有媽媽啦，包括daddy同媽me媽媽！

Day 134_13/5/06_lam lam脷

最近，我好鍾意lam自己條脷，成日jeep jeep聲。仲有，邊個抱我，佢件衫就俾我攪到濕晒。

Day 133_12/5/06_反轉再反轉

經過個多星期o既苦練，我終於練成「鯉魚翻身」，唔怕老實話俾大家知，lee個招式係我對住鯉魚門領悟出嚟o既！依家我完全唔使人幫手，可以輕易反身。如果你想偷師，就click入lee度睇下啦！ 

Day 132_11/5/06

 

Day 131_10/5/06_老四受傷

今日，唔知點解，我左腳o既老四成塊腳趾甲甩咗。我唔俾你哋睇，因為太過血腥（其實無流血，只係隻老四紅咗啫）。lee張相唔係影到我痛到腳震，我根本無喊過一聲，lee個係打格仔o既一種方式。daddy媽me同公公婆婆，見到我隻四老，就心如刀割。媽me仲同我做咗個外科手術，就係用BB專用趾甲鉗幫我剪咗嗰塊啶下啶下o既趾甲，好勇敢！ 

Day 130_9/5/06_我好靚

我今日好靚！皆因舅父同未來舅母嚟，同公公婆婆飲茶，我就著靚啲。媽me隆重其事，特登請咗半晝假tim。之後，媽me、公公婆婆同我去行街，daddy食完晏就返工lu。 

Day 129_8/5/06_三個字

ma ma, wo ai nin！ 

Day 128_7/5/06_我要影相

阿公，唔好捉實我啦，我要行埋d影相呀！ 

Day 127_6/5/06_陳轉男？

陳轉男？no way！陳鑽藍是也。好多人都話我似男仔，實際係我著藍色好好睇！ 

Day 127_6/5/06_吹波我至叻

講到吹波，我敢認第二，你哋都冇 人敢認第一啦！ 

Day 127_6/5/06_打錯針

今日我去咗健康院打針，我呀，成枝針吉咗入去2秒都未air一聲，跟住覺得有少少痕，先叫咗兩吓咁，真係"近"！之後仲猛咁笑，daddy仲以為姑娘打錯針tim！ 

Day 126_5/5/06_抖下先

拳証暫停賽事，我可以抖下啦！係呢，今日係公眾假期，大家有冇抖下呀？香港工作壓力好大，大家保重！Daddy媽me話我知，有好多人話睇我lee個blog可以減壓，我都感到好榮幸可以為人民服務。 

Day 125_4/5/06_捉住佢

平時daddy媽me話我放隻手入口食，其實，我係喺度練下捉脷。條脷都幾難捉，幾滑o架，不過，今次俾我成功捉到佢！ 

Day 124_3/5/06_收音機

「When I was young I'd listen to the radio. Waitin' for my favorite songs. When they played I'd sing along. It made me smile......」媽me有兩樣嘢鍾意聽：Carpenters同埋收音機。佢又鍾意聽住收音機瞓覺。所以，佢依家介紹我聽收音機，不過我聽o既lee部收音機，等極都等唔到第二首歌，嚟嚟去去都係果首Winnie the Pooh音樂，都唔知果個電台啲DJ點攪！媽me仲同我講，佢發現lee首歌喺Disneyland果個Winnie the Pooh遊戲度聽過，唔通我收o既台就係Disneyland頻道？我希望米奇同米妮可以幫我同迪先生反映下。有時，daddy同媽me仲會跟住我個收音機嚟唱，雖然唔係我sing along，但係都made me smile。仲有，唔知點解我每次聽聽下都瞓著覺！

Day 123_2/5/06_Upside Down

今日我成功翻轉咗個身，好好玩！一邊轉，一邊不停大叫。其實，我請咗十一位朋友幫手，先至夠力，佢哋分別係九位牛生同兩位虎小姐。雖然動作好大，但係好在冇走光啫！ 

Day 123_2/5/06_舊相？

lee個笑容係咪似曾相識？大家唔好以為今日冇影相，攞張舊相嚟post，只不過笑得一樣燦爛啫！ 

Day 122_1/5/06_回鄉探親

今日舉家回鄉探親，我又見到好多親戚。飲茶o既時候，成圍檯計埋我，有14人，我都未係好分到邊個打邊個，只係知道俾人傳嚟傳去。daddy話有爺爺嫲嫲、公公婆婆、3姑婆、7姑公姑婆、姑媽、表叔同女友、表姑姐，我真係有啲亂。席間，如果有人叫「姑媽」，有兩個人會應，一位係我o既姑媽，另一位係daddy姑媽。真攪笑！