Yr.4_27/2/09_過橋咪跣

唔想跣「親」，Daddy，等我拖住你過呢條獨木橋啦！唔係……我要修正，呢條唔係木橋，但係鋼鐵造嘅橋都好跣嘅，小心啲呀！

Yr.4_21/2/09_阿妹你好！

阿妹，你好嗎？你聽下呢個啷啷，我搖得好唔好聽呀？

Yr.4_21/2/09_估領袖

等我哋兩姊妹同大家玩下估領袖先，究竟係妹妹跟我食手，定係我跟佢呢？

Yr.4_21/2/09_好榜樣

Daddy媽me成日同我講，我乖，妹妹就會識得乖，我諗呢啲叫做有樣學樣。估領袖，一定好容易俾人估到。講開又講，妹妹今日三個月大，等我問婆婆借啲健康院送嘅書仔，睇下三個月大嘅寶寶身、心成長係點樣先，有助同妹妹溝通！

Yr.4_9/2/09_天父特別看顧我

你哋睇呢張相，只見我放咗學喺遊樂場放飛機，見唔到今朝早嘅驚險場面。感謝主耶穌保守，救返我同Daddy一命！今日Daddy同我返學差啲俾架剷上行人路嘅車撞死，個司機若無其事咁駛番落行車路，「S」形咁繼續行車，Daddy仲見到佢用手拎住手提電話傾緊。真係驚險！如果唔係因為我剛剛仆倒，只差幾步就俾嗰架車撞倒捲入車底！如果唔係天父看顧我哋，Daddy又唔會去到屯門探妹妹，同埋買呢架飛機俾我玩。感謝天父！

Yr.4_7/2/09_學妹飲奶法

咁樣用拳頭頂住奶樽嚟飲奶，呢招唔係我自創嘅，而係抄妹妹嘅。事緣有次妹妹揸住拳頭，咁啱頂住個奶樽，好似自己頂住個奶樽嚟飲奶咁，我咪學佢囉！

Yr.4_3/2/09_二人世界

今日，我同Daddy二人世界，佢帶我去Cyberport睇《超級零零狗》，之後喺嗰度影咗輯靚相，呢張係我自己創作嘅pose，Daddy話唔知點解我自己會識擺呢類上二代嘅指定pose，我諗呢啲叫做不謀而合也。影完相，我哋去咗香港仔食出名嘅魚片河，果然名不虛傳，同筲箕灣嘅著名魚蛋唔同食法，Daddy話第時一定要同媽me去。而計我話，最正嘅係等車返屋企嘅時候，Daddy買咗杯雪糕我食，Yummy！Yummy！

Yr.4_3/2/09_食得滿足

去香港仔之前，又係食！我露出滿足嘅笑容！

Yr.4_2/2/09_親自放風箏

今日，我哋成家人同公公婆婆、舅父舅母去大澳門放風箏。我再次踏足大澳門，今次識行識走，我仲親自放風箏𠻹，好好玩！之後，我哋去咗坑口飲茶。

Yr.4_1/2/09_特別表情

呢兩位係蔡氏姊弟，佢哋都有喺我本書《在恩言恩》裡面亮相，今晚舉家嚟拜年，而呢張相係Daddy叫我哋「整」個特別表情時影嘅。

Yr.4_30/1/09_姊妹同車

考下你「姊妹同車」下一句係乜？

Yr.4_26/1/09_初一全家福

考下你，呢度總共有幾多個福？

Yr.4_25/1/09_摺牛接牛

摺牛仔接牛年！

Yr.4_23/1/09_海洋與buffet

 
今日係農曆年假期嘅第一日，臻哥哥約我去海洋公園玩，然後食buffet dinner。唔好誤會，我哋唔係自己去，咁精彩嘅活動又點少得我哋嘅父母！

Yr.4_22/1/09_大掃除&貼揮春

趁住年尾，我都幫下手大掃除，等我用個掃仔四圍掃下先，掃掃掃、掃掃掃。然後，再貼揮春。好應節呀！

Yr.4_17/1/09_與妹同遊

我鍾意去公園玩，今日仲開心，因為阿妹都一齊去，雖然佢未識玩遊樂場嘅設施，但係喺度曬下太陽都好有益！

Yr.4_12/1/09_遊樂場時間

今日，Daddy媽me接我放學後同我去遊樂場玩。

Yr.4_10/1/09_乜髮型？

我呢個係乜髮型？

Yr.4_4/1/09_四朵金花

我哋四朵金花一聚首就玩個不停！

Yr.4_1/1/09_我有自己的八達通卡