Yr.5_18/2/10_請！

Yr.5_17/2/10

Yr.5_15/2/10_年初二

出去灣仔睇煙花之前，同姑媽食個軟雪糕先！

媽me，我第一次睇維港賀歲煙花，嘭嘭聲，好得人驚呀！都唔同迪士尼嗰啲嘅？

Yr.5_12/2/10_食家

Daddy知我深愛食嘢，帶我去試下一間獲平民米芝蓮嘉許嘅食店，平日晏晝都要等咗好耐至入座。呢幾味真係好好食，睇我食得咁滿足就知啦！

Yr.5_11/2/10_遊海洋公園

趁農曆新年假期，Daddy帶我同臻哥哥一家去海洋公園玩。

Yr.5_24/1/10_首當花女

人生首次做花女，難免有啲緊張。謹此恭賀Mag姐姐！

同三三彩排。

Yr.5_17/1/10_大自然Miss Chan

Yr.5_7/1/10_小雲

「依家嗰眼鏡唔跣落嚟啦，幾穩陣！」吖！呢句對白，喺呢間眼鏡鋪講有啲唔識趣。行家嚟啫，我諗佢哋唔介意嘅。Btw，我似唔似小雲？

Yr.5_3/1/10_巴斯武裝

多謝倩欣姐姐送我呢套頭盔同眼罩，終於集齊全副武裝出擊。

Yr.5_1/1/10_簽名會

今年嘅第一日，竟然因為所出版嘅書，喺街上俾人認出係作者，要求我哋攪咗個臨時簽名會。當我哋全家正喺荃灣某購物商場行緊時，有位姐姐突然問媽me係咪在恩媽me，媽me未知對方來意下，有啲猶疑咁回答。於是，姐姐邊請媽me簽名邊喺手袋攞本書出嚟，而媽me就喺「估唔到」嘅情形下替姐姐簽名。估唔到者有二：一．竟被「讀者」要求簽名，因為佢自己唔係好覺得有過作者嘅身份；二．姐姐竟然隨身携帶嗰本書，話晒都出版咗接近一年，一定係我忠實粉絲。姐姐，真係多謝支持！不過唔好怪我當時從BB車彈開咗，我只係有點怕羞，無同你合照。

Yr.4_31/12/09_四歲生日會

終於輪到我四歲生日啦！我學校同班嘅所有同學都已經四歲大，只欠我啫。今日，個個都四歲啦！成家去飲茶慶祝也。

再嚟生日晚會。

啲啫喱係我親手整嘅，好味！

Yr.4_28/12/09_澳門好食

我去到澳門都係食食食……阿妹唔食得甜品，只好睇住我嘆。

Yr.4_26/12/09_陸上行舟

今日，我同Daddy嘅舊同學一家人午飯，仲去咗一艘退役嘅消防船上參觀，不過我哋唔使出海，因為佢已經上咗岸。

Yr.4_24/12/09_Fit

呢件太空衣好啱我身！

Yr.4_20/12/09_家居好幫手

我幫妹妹攞尿片！我好幫得手㗎！好似工人姐姐咁幫得手！話晒我都係姐姐丫，實行同佢哋掙生意。

Yr.4_19/12/09_高高在上

你睇我嘅身手！

Yr.4_11/12/09_二人行

Yr.4_7/12/09_何國人？

我們和在恩參加一個送聖誕禮物予四川災區和菲律賓的小朋友之行動。媽me和在恩預備禮物時談論起來。

媽me︰「我哋送禮物俾四川啲小朋友，佢哋都係中國人……你知唔知菲律賓啲小朋友係咩人？」

在恩︰「有工人！」

我們對這個意想不到的答案捧腹大笑起來！事後，我們追問她為何會如此說，她表示同學有菲律賓工人姐姐。我們心裡想︰究竟在恩覺得菲國的小朋友都有工人，多得要到外國服務？還是有其他的意思？我們都無從稽考。

Yr.4_5/12/09_鹹蛋超人

我最鍾意超人，每晚都要Daddy同我角色扮演。我梗係飾演超人梅比斯，Daddy就係怪獸。我哋每晚要拍幾集，集集唔同怪獸，Daddy要絞盡腦汁咁諗怪獸名，又要捱無情嘅拳打腳踢，一啲都唔易！不過為咗地球嘅和平，我係唔會放過佢嘅！

Yr.4_27/11/09_胡迪做功課