Day 152_31/5/06_端午節

今日端午節，冇去爬龍舟游龍舟水，趁daddy媽me有假，我哋去探太姨公太姨婆，即係我婆婆個姨丈同阿姨。之後，去咗銅鑼灣食嘢！ 

Day 151_30/5/06_香港仔海鮮靚

媽me同事屋企新裝修，請咗佢一班同事上去坐，我同daddy都一齊去tim。媽me同事請我哋食海鮮，好豐富好好味，原來香港仔真係出名食海鮮喎！多謝李生李太熱情款待。 

Day 150_29/5/06_自己嚟

今日我自己拎住樽水飲，其實我練習咗一陣o架，大家可以睇下lee個movie「自己飲」，我意思係你哋自己睇我自己飲，click here。 

Day 149_28/5/06_阿呆

今日我有啲呆呆地，因為噚晚成晚喊，要媽me抱住我先肯瞓，我都未試過喊得咁「悽厲」，可能係噚晚有姑媽同姑姐嚟同我玩得興奮過頭啦。

Day 148_27/5/06_琴姐

姑媽同媽me喺度研究緊佢送俾我o既禮物，唔好以為係打雞蛋，嗰個係Winnie the Pooh智能琴。我唔需要參與研究，因為我已經識玩，於是乎我爭取時間認下姑姐個樣，下次見到佢，就唔使因為認唔到佢而喊啦。 

Day 148_27/5/06_你係邊位？

對唔住！我最近認緊人，借問聲，你係咪姑媽呀？ 

Day 147_26/5/06_Hello!

Who's calling me? 

Day 146_25/5/06_經理室

我依家喺經理室睇緊文件，如果無乜嘢，唔好騷擾我！……yee？你哋幾時入咗我房？做乜唔敲門咁無禮貌o架！

Day 145_24/5/06_勇敢面對

我人生o既精神係「勇敢面對」！lee樽水唔算得乜。嚟啦，媽me！ 

Day 144_23/5/06

 

Day 143_22/5/06_嫲嫲節

今日daddy媽me同嫲嫲補慶祝母親節，我哋去咗飲茶；亦多謝爺爺嫲嫲同姑婆咁遠水路嚟探我，第二時我學識行，等我親自入去大西北拜訪拜訪諸位長輩。姑婆話自己係嚟「自由行」，等我睇下佢買咗啲乜返鄉下先？

Day 142_21/5/06_開心晚餐

好開心，一家人去日式西餐廳食晚餐！ 

Day 142_21/5/06_草Vs.OT

我唔係想食草，乃係想飲凍OT！ 

Day 141_20/5/06_媽me同我玩

同媽me玩咗成日，好攰呀！係時候要瞓覺啦！ 

Day 140_19/5/06_攝影大師

公公婆婆好恩愛，經常出雙入對，影相就當然唔會例外。但係lee張相點解會係例外呢？皆因今日只得我哋三人行，daddy媽me返工，冇一齊去飲茶同埋行維園，公公就成為咗攝影師，所以咪冇出鏡。佢好叻，第一次用高科技攝影技術，就幫我影到一輯靚相tim！ 

Day 140_19/5/06_飲杯

lee個係一隻杯，無錯！係一隻杯，係兩頭都飲得o既夜光杯。今日，我仲用lee個道具，開咗部新戲，戲名係「飲勝」，你哋可以喺部戲裏面，睇到lee隻杯點樣飲！請click here 

Day 139_18/5/06_馴獸師

「過嚟！」 

Day 138_17/5/06

 

Day 137_16/5/06_有計

mm……好似有啲計…… 

Day 136_15/5/06_咬牙膠

你哋睇到我仲未有牙仔，實在我依家牙肉痕，daddy媽me好體貼我，今日買咗個咬牙膠俾我，遲啲有機會咬俾大家。 

Day 135_14/5/06_我愛夏日

今日係母親節，天氣非常好，一早開眼就見到藍天，充滿夏日氣息。我愛夏日！多謝天父的創造！亦要多謝天父賜我好媽媽，您就係我生命中o既夏日，係神所賜o既最好！今年係您第一年以母親大人o既身份過母親節，等我送您三個字︰「我愛您！」 

Day 135_14/5/06_DJ播乜歌

唔知今日會唔會播「真的愛妳」呢？我要點俾媽me聽！都送埋俾世上所有媽媽啦，包括daddy同媽me媽媽！

Day 134_13/5/06_lam lam脷

最近，我好鍾意lam自己條脷，成日jeep jeep聲。仲有，邊個抱我，佢件衫就俾我攪到濕晒。

Day 133_12/5/06_反轉再反轉

經過個多星期o既苦練，我終於練成「鯉魚翻身」，唔怕老實話俾大家知，lee個招式係我對住鯉魚門領悟出嚟o既！依家我完全唔使人幫手，可以輕易反身。如果你想偷師，就click入lee度睇下啦！