Day 107_16/4/06_佢哋好靚

其實呢幾位都係我媽me啲好姊妹，喺我未出世之前，佢哋都已經成日祝福我。
嗱！劇姨佢好潮㗎，我今日著呢件飲衫都係佢送，佢真係好有眼光！佢今日仲猛咁話我眼大，劇姨真係有taste。
而Mag姨姨佢好温柔又細心㗎，我未出世之前，佢都已經送咗啲衫俾我，仲有摸住我祝福㖭。
我見到33媽就最開心，因為我第一次親眼見到同摸到33咋（透過33媽個肚皮），佢依家已經20週大，佢好盏㗎，媽me都唔知我同佢傾咗幾耐，我好想快啲到九月，到時同33一齊玩、一齊祈禱、一齊敬拜！33佢好懂事㗎，雖然佢Daddy暫時努力緊讀書同做班長，未必成日可以陪住佢，而佢媽me就成日都會北上做扶貧工作（33大大話話都坐過幾次飛機㖭），但係佢就好明事理咁同我講，佢Daddy同媽咪依家嘅擺上，係為咗佢哋家庭未來更幸福而努力！我真係好佩服33嘅遠大眼光，我諗朱33經理未來嘅業務一定可以鴻圖大展！
朱經理，可唔可以幫我探定路，因為我都好想北上發展呀！遲啲再出嚟傾生意吖！