Yr.3_1/12/08_名畫贈妹妹

呢幅名畫名為「空中飛人」，一睇就知係出自大師，作畫者用嚟贈予妹妹嘅！

Yr.3_30/11/08_哪個頭大？

邊個個頭大啲呀？我指我個拳頭定係妹妹個頭仔。

Yr.3_23/11/08_熱烈歡迎

熱烈歡迎妹妹首次踏足屋企！

Yr.3_21/11/08_妹妹出生了

今日，妹妹終於出世啦！我梗係第一時間探妹妹啦！放學返到屋企換埋衫就去咗醫院lu。我細妹都有個Blog（shawnchan2008.blogspot.com），歡迎大家得閒探下佢，另外，我哋姊妹花仲有一個特別嘅Blog（2000gold.blogspot.com）㖭，

Yr.3_21/11/08_老師探妹妹

今日，我返學嘅時候同老師講媽me入醫院生BB，老師怕誤會，所以向接放學嘅婆婆求証。因為老師曾經問過我媽me入醫院生BB未，嗰日我答佢，媽me喺醫院，老師以為媽me生得，其實我係想話媽me返咗工，皆因媽me準備生BB嗰間醫院就係佢工作嘅地方，所以老師先誤會咗。不過，今日大家都冇攪錯，我細妹出咗世啦！晚上，劉老師代表老師們，專程嚟醫院探媽me同妹妹，真係有心！多謝老師！

Yr.3_21/11/08_祝賀家姐

Daddy媽me為咗恭賀我成為家姐，一早買咗一份禮物送俾我，我稱呢份玩具為「牙醫叔叔」，Daddy媽me話要等到細佬／妹出世嗰日先可以拆開，今日我探完妹妹返屋企，終於可以玩啦！

Yr.3_20/11/08_係時候

媽me話今日成日都戚下戚下咁痛，痛起上嚟同平時有啲唔同，應該係時候生BB啦，唔知會係細佬定係細妹呢？食完晚飯，媽me打電話俾婆婆請佢嚟睇住我，等Daddy可以陪媽me入院生BB。喺我等緊婆婆嘅同時，我忙於審閱稿件，因為我本書都就嚟出世lu。係！冇錯，我的而且確出書，出乜嘢書？等Daddy媽me話你知啦！以下係書中序言嘅部份內容︰

BB加盟邀請信
　　我們是陳在恩的父母，很想與你們分享一些事情！我們所親愛的女兒在恩是上帝所賜的一份無價禮物（我們本以為是不育的！）自知道懷有小生命的一刻開始，便一直經歷著不可言喻的喜悅，世上沒有一樣東西或事情可以與之相比，相信為人父母的你們也有同感。

　　我們打算為在恩出版一本相集（相片及內容主要來自她的Blog，請參http://janechan.blogspot.com），其中有一部份是有關她的「小朋友們」的。你們（大朋友）既是我們的朋友，我們各自的小朋友也是朋友呢！因此，我們現誠邀你們參與這個計劃，方法很簡單︰大朋友只需同意將自己可愛的小朋友之相片授權我們在該相集刊登。（*請參相片收集要求）

　　為什麼我們有這個計劃呢？我們認為在恩既然是上帝賜給我們家庭的禮物（她的預產期剛巧也是在Boxing Day），我們期望她的人生同樣是身邊人的一份禮物。禮物是關乎施與受，受了恩惠的人應自然地有一個施予的慾望，這是我們在在恩身上所經驗到的。因此，上帝賜這禮物給我們的家庭，我們就將在恩作為禮物，將祝福施予別人。期望這個施與受的過程是不止息的，沒有一個最終的受惠者！

　　這一代比我們那一代所受的物質更豐富，獨生子女普遍的情況，更使小朋友經歷萬千寵愛。毫無疑問地，為人父母會將最好的給予小朋友，我們期望在恩不僅只會接受，也學會施予。她是幸福的，有家庭，有父母、親友們的愛，但是對於有些小朋友卻不然。因此，我們有出版相集的構思，透過此計劃祝福其他不幸的小朋友，我們會將相集的收益放在捐助有需要的兒童身上，如助養孤兒、助學等等。

　　你們可以把我們此計劃想像為陳生陳太陪同陳在恩參加賣旗籌款活動一般，你們的參與是一份很大的支持！

相片收集要求︰

• 閣下的BB為2000年或以後出生的BB（大家同是這個世紀的新人類！）
  
• 閣下的BB在 1歲生日那天所拍的相片
  
• 成長歷程，BB初生至1歲生日間每月一張精選相片（選擇性）
  
• 收集相片截止日期為2008年4月30日
  

Yr.3_17/11/08_學校生日會

今日係我學校舉行生日會嘅日子，今次輪到慶祝我生日啦。雖然早咗一個月，我都好興奮，著住便服又帶埋生日袋返學！等陣就有得食生日蛋糕啦！

Yr.3_15/11/08_我仲係BB

咦？媽me呢張床仔係邊個㗎？「係就嚟出世嘅細佬或者細妹㗎。」係呀？我想試下呀……「唔……好啦，一次咋，你唔係BB啦！」

Yr.3_10/11/08_大肚Dum

媽me，唔使驚……我個肚係食得多所致。

Yr.3_26/10/08_新鮮出爐

出爐蛋撻簡直係極品！

Yr.3_20/10/08_呼……

把風扇唔係好夠力，要我幫下口。

Yr.3_17/10/08_Hey名!

Yo!  Check it out!

Yr.3_10/10/08_功課

我的功課。

Yr.3_6/10/08_澳門之行

此行有公公婆婆舅父舅母，仲有舅母嘅父母，當然唔少得我啦！

Yr.3_16/9/08_泳將

我同媽me跟Daddy上大陸參加退修會，好好玩！呢個只係其中一項。我超鍾意游水，我唔怕水深，游到去水中央。不過，喺嗰度搵唔到儷影，皆因我身後嗰位只不過係我教練，而喺佢前面嗰位係一名泳將！

Yr.3_15/9/08_家居電話

啱啱喺新居安裝咗電話，試下先。「喂！請問搵邊位？」

Yr.3_14/9/08_我受得起

樂懿妹妹呢拳都好厲害，衝力好大，你睇佢成個人都震晒就知，捉都捉唔住佢，雖然係咁，但係我受得起！因為我條頸好硬！都唔知係唔係好事……

Yr.3_9/9/08_婆婆送的LEGO

呢套係婆婆喺日本買番嚟送俾我嘅其中一份禮物，鍾意LEGO嘅Daddy都好羨慕。多謝婆婆！

Yr.3_2/9/08_開學禮……物

為咗慶祝我開學成功，Daddy媽me送咗份禮物俾我。唔係呢對roller，呢個只係我喺R城試玩啫，嗰份禮物係playmobil。

Yr.3_1/9/08_開學了

各位同學，早晨！我係校長，我有事宣佈，唔好傾計，要留心聽。所有幼兒班嘅同學，今日係你哋一生人之中第一日返學（N1唔計），所以為咗俾你哋有好嘅適應，我俾你哋嘅家長一齊上課，第二日都係咁嘅安排，明白未？

Yr.3_1/9/08_開學了II

仲有，全日班呢兩日下晝都唔使返學。所以，我把握時機去海洋公園玩，我覺得坐吊車好新奇，我深感興奮！

Yr.3_30/8/08_最後午餐

下星期一我就會正式返學，聽Daddy媽me講，我可以喺學校嘆埋午餐，所以明日個午餐就係我開學前喺街食嘅最後一餐嘞！唔知學校有乜好餸食呢？

Yr.3_27/8/08_自由身

趁未開學、仲係自由身嘅我，約咗公公婆婆去探下米奇先！

Yr.3_22/8/08_朱小姐

考下大家，點樣可以搖身一變變成朱小姐呢？方法好簡單，用兩隻手指就可以嘞！左手或者右手都得，隨你喜歡。

Yr.3_20/8/08_車厘子

好一粒車厘子，好味！

Yr.3_19/8/08_陳醫生

婆婆買咗lee套醫生玩具俾我，我可以四出行醫lu。我係陳醫生，睇醫生嘅，就請登記等叫名，多謝合作！請你吸氣……呼氣……

Yr.3_15/8/08_我揹住Barney

平日Daddy揹得我多，等我試下好似Daddy咁樣揹下Barney先。咦！好似倒轉咗喎！唔好意思呀，Barney！有冇見頭暈呀？

Yr.3_14/8/08_慈善燈籠

我稱呼lee個燈籠做慈善燈籠，係婆婆同我買嘅，證明我做善事不遺餘力。

Yr.3_1/8/08_向上向下

我喜歡食嘢，相信好多人都知，但係我擦牙就唔係個個都見過，亦唔常見，因為我只係識唱首歌仔，仲未養成每日早晚擦牙嘅習慣。

Yr.3_31/7/08_接待外賓

舅父舅母今日放假，專程遠道而來，話晒都係第一批到訪舍下嘅賓客，我當然係要以最高規格去接待，所以我帶咗副「黑超」。

Yr.3_27/7/08_廿七個秋

正所謂「一日不見如隔三秋」，屈指一算，Daddy媽me最近去咗馬來西亞短期宣教，我同佢哋分隔兩地都有廿七個秋！佢哋回港當日，急不及待去藍地見我。其實，我仲未可以返西灣河新居瞓我張私家床，因為Daddy媽me打算用多一日執拾新屋，怕我在場指揮影響進度。
當晚，我哋同爺爺嫲嫲、公公婆婆、姑媽、姑姐喺藍地晚飯，媽me一見我就嚟一個熊抱，我伏喺媽me心口，用嬌嗲嘅聲線，講咗幾聲︰「媽me媽me……」佢即刻頂唔住，吧吧聲喊咗出嚟，我都被嚇呆咗。佢話好掛住我，原來廿七個秋冇見就會咁嘅！你哋可能睇唔到，其實我都有眼濕濕，只不過我帶咗媽me喺馬來西亞機場買俾我嘅太陽眼鏡遮一遮，但係婆婆同姑媽冇收到lee個手信，所以就遮唔到淚眼啦！

Yr.3_22/7/08_藍地玩具部

我搬咗屋之後，我嘅玩具有部份仲留守喺屯門，但係唔係大興花園，而係公公婆婆喺藍地嘅屋企，所以嗰度有個玩具部，等我間中去佢哋屋企渡假嘅時候玩。趁Daddy媽me去咗馬來西亞，我去咗藍地為玩具部開幕舉行剪綵儀式，兼渡假幾日。

Yr.3_20/7/08_樂在泳池

今日婆婆帶我去泳池游水，好好玩！其實，嵐嵐珉珉姊妹花都有一齊去，我哋仲影咗一啲性感泳裝照tim，不過，唔方便喺lee度公開，sor。

Yr.3_18/7/08_新居入伙

我搬咗去新居啦！噚日，我哋由屯門搬咗去西灣河。依家我仲有自己間房tim，Daddy媽me話等細佬或者細妹出世之後，我哋就可以一齊瞓啦！經過一日，我間房執好咗，公公婆婆先至帶我去睇下，因為噚日搬屋嘅時候我唔需要在場指揮。我好開心呀！史迪仔床舖好靚呀，而且叮噹、Pooh Pooh、毛毛、Barney佢哋全部都喺新屋等我！不過，今晚我仲未喺度瞓，因為Daddy媽me明早會出發去馬來西亞作短期宣教，而我就會喺公公婆婆屋企渡假九日。Daddy媽me加油呀！我會乖乖等你哋返嚟！

Yr.3_14/7/08_踩單車

三輪車都唔係好識踩，竟然喺百貨公司試踩有輔助輪嘅單車，Daddy媽me都估我唔到！我仲唱起歌嚟！自得其樂！lee架巴斯戰車，只不過係我試踩嘅其中之一架嚟啫！

Yr.3_11/7/08_食得拼命

我咁嘅食相，只係食生日蛋糕嘅時候先至會見到。舅母問我個口最盡可以擘到幾大，我立刻表演俾佢睇，大家都讚嘆不已。婆婆，生日快樂！我差啲又以為自己生日tim，蠟燭都係由我吹埋。

Yr.3_7/7/08_搬家在即

我哋就嚟搬離屯門啦，所以今日daddy媽me趁住放假，成家人去屯門市中心飲茶，順便買下傢俬、電器。傍晚，我哋仲去咗沙田Ikea，爺爺嫲嫲都有去，果然係旗艦店，有木馬騎！之後姑媽加入晚上嘅飯局。