Yr.4_29/6/09_我搵到啦

Yr.4_24/6/09_搶鏡

要搶鏡，梗係要做多啲表情啦！

Yr.4_22/6/09_特許玩水

喺客廳公然玩水，你哋試過未？媽me俾咗我一個特許玩水權，我咪可以同阿妹喺度玩囉。各位小朋友咪自己亂試喎！要問過媽me先可以。

Yr.4_21/6/09_嬉沙又嬉水

今日下午，Daddy媽me帶我哋兩姊妹去赤柱正灘玩。我玩沙之餘，又落水游，飲咗兩啖海水，都照游，可見我真係好鍾意玩沙同游水！

Yr.4_20/6/09_攪乜？

攪乜？我呢啲叫做功夫，知無？我未識行嘅時候，已經開始耍緊，不過嗰時善良啲，無依家咁狠！

Yr.4_19/6/09_懷舊眼鏡

呢副眼鏡係Daddy買俾我嘅，一睇就知，唔係我呢個年代嘅產物，所以唔係度度都有得賣，Daddy喺某店舖一見到有得賣就即刻買下，真懷舊。

Yr.4_18/6/09_再來一球

我哋又打波啦！

Yr.4_17/6/09_Band壇姊妹花

唉呀！阿妹，我哋夾緊Band喎！你攪緊啲乜呀？

Yr.4_16/6/09_打球

今日，公公婆婆帶我同阿妹去打波，好好玩！

Yr.4_15/6/09_你睇下

Yr.4_8/6/09_祈禱時間

今晚睡前，媽me肩頭有點酸痛，在恩幫助媽me貼止痛貼。媽me之前有腰痛，在恩記起了。

在恩︰「媽me，你腰痛點呀？」

媽me︰「好啲嘞。你有為我祈禱嘛！你繼續為我祈禱啦！」

在恩︰「幾時呀？」

媽me︰「你得閒為我祈啦！」

在恩︰「我依家得閒。」

在恩每晚臨睡前會為親朋戚友祈禱的。

另外，大家千祈唔好同在恩講「得閒飲茶」，除非你真係得閒。

Yr.4_7/6/09_警訊一則

警訊︰……疑匪得手後，乘坐一輛的士向筲箕灣方向逃去，相信同行人士包括一名婦人及一名嬰孩，如果各位市民喺上述嘅地點見過該名疑匪，請與警方聯絡……

Yr.4_3/6/09_紮辮

今日，Daddy接我放學，見到我紮住兩條辮行出學校，覺得好攪笑。孖辮係李老師幫我紮嘅，佢仲笑Daddy今朝幫我紮嗰條馬尾。其實，我同啲同學私下傾過要一齊紮辮返學，所以今朝咪點都要Daddy幫我紮辮至肯返學囉。我手上揸住嘅呢條橡筋係老師送嘅，Daddy用嗰條橡筋係紮乜都得嗰種嚟嘅，佢真係乜都得！

Yr.4_31/5/09

Yr.4_30/5/09_開餐時間

阿妹，開餐時間到啦！不過，呢支係我嘅，你嗰支婆婆開緊，請耐心等一陣，應該難唔到你嘅，你份人咁隨和。

Yr.4_29/5/09_阿妹攪我

在恩︰「Daddy，阿妹攪我隻眼呀！」
Daddy︰「係呀？佢同你玩咋。」

Yr.4_28/5/09_在恩作品

我依家都有份幫手揸機影相，我最擅長捕捉人生嘅喜、怒、哀、樂，你睇媽me笑得燦爛嘅一面都俾我攝入鏡頭內。媽me笑啲乜？笑我揸住部DSLR猛咁㩒個快門掣，好似個小記者喺度不停影咁囉。
註︰至於阿妹嗰一面唔係「怒」，而係「呆」，多謝。

Yr.4_27/5/09_睡前指定動作

我臨瞓前有一啲習慣，就係飲支奶，然後擦牙，再聽媽me講故事，同埋祈禱。就算有幾眼瞓，我一定要做齊，仲要按住次序做，我至肯瞓覺。我做人好有原則。

Yr.4_27/5/09_蛋糕，我嚟啦！

其實，我都未係好知今日為邊位慶祝生日，只知道等咗成餐飯，我先可以分到呢件蛋糕。我唔客氣啦！媽me，祝你生日快樂（舊曆嗰個）！

Yr.4_19/5/09_大公園

今日放學後，Daddy同我去公園玩，我習慣稱呼嗰度為「大公園」，顧名思義地方好大，又有好多遊樂設施。我玩緊嘅呢個係新嘅，係一艘船。