哎呀！居然……居然……daddy媽me偏偏喺今日唔記得同我影相！daddy都深感遺憾，因為今日係我第一個牛一！唔打緊啦，daddy，無問題o架，最緊要係我哋一家人平平安安、齊齊整整！今日特別要感謝神，因為一年內我同我全家每日都經歷主o既保守看顧，亦從好多好愛我哋o既親朋戚友得到祝福我，多謝晒大家！喺lee度，我亦要多謝一直支持、甚至鞭策我哋用blog記下每日逸事o既你哋！好頭好尾，今日出一張「當年今日」o既出世相，讓大家回味同感恩！今日起我lee個blog會不定時更新，如果你習慣每日都「探下」我，我非常歡迎，但係如果你想我哋每逢update都俾個「溫馨update提示」你o既話，請email你o既電郵地址俾我哋啦！請電郵︰kakichan2004@gmail.com。God bless you! 
Happy Birthday to U! Happy Birthday to U! Happy Birthday to JESUS... Happy Birthday to U! I love you !!!!
哈！俾我攞到個遙控器，我可以控制一切啦！「daddy，我要lee個，媽me，我又要嗰個！」不過，daddy話我最多只可以喺屋企掌權啫，因為主耶穌先至最威，佢降生救贖世人！今日，係平安夜，等我唱首聖誕歌過你哋聽！「普世歡騰，主治萬方，民眾首當歌唱！」祝聖誕快樂！新年蒙恩！
有條IQ題考下大家，雖然今日係冬至，我唔係打算考大家，點解「冬>年」。今次係圖片題，兩隻單眼等於乜嘢？數學上o既表達係︰「單眼x2=?」答案唔係一對眼睛……而係兩個人視力受影響。對唔住，應該話係一個人同一隻貓先啱，因為兩隻單眼分別落喺姑媽同叮噹身上，兩者都係我出o既主意！祝大家冬至快樂！
lee幾日我好有holiday mood，皆因成家人都放假。公公婆婆去咗大陸旅行，所以媽me就請假陪我。今日，daddy都請假，我哋一家人去郊遊享天倫之樂，多謝主！我哋去咗清水灣大坳門玩，天氣好好，盡享藍天、碧海、青山、綠茵o既美麗自然，空氣又清新，風亦唔大。我四圍咁走，又同啲遊人、狗仔玩，好開心！
今日，婆婆買咗隻鴨仔返嚟，話由我負責養佢。「鴨仔，你好呀！我lee一刻未有嘢餵你，遲少少啦！我一有啱你食o既嘢，就會餵你食o架！你放心啦，照往績，我應該每日都可以餵飽你！」
黃昏，去媽me公司o既聖誕party，有得食，又有好多小朋友一齊玩，好開心！之後，返教會祈禱，亦非常興奮，好多哥哥姐姐經歷神o既幫助，我信心都大咗，我都一齊祈禱，奉主名求，阿們。會後，又有幸同一對年輕貌美o既姐妹花合照，yeah！
阿sir，唔好拉我呀！我好乖o架，冇份示威呀！我依家喺尖沙咀天星碼頭，唔係對面海嗰個。雖然我仲未有一年歷史，但係我都知lee個鐘樓係舊尖沙咀火車站o既鐘樓，好有特色呀！
「先生、小姐，隨便睇、埋鏡拼拼！」呢種比較隨便o既服務手法，梗係唔適合喺攀山用品專門店出現啦！舅父就最叻，能夠提供顧客需要o既資訊，舅父，我又試吓先！(圖為毅成戶外用品港島區新分店，勝任大廈一樓)
Daddy去完吉隆坡5日返嚟，成日問我︰「有無掛住daddy無？」啲口音唔同咗ge？聽講daddy此行之後，生命受到沖擊，想知受到乜嘢沖擊，你哋可以去佢個blog到自己睇啦！我唔係咁方便喺lee度講……請按此。
媽me帶我去同一班舊同學影相，見到佢哋都好開心，講唔夠兩句就笑，成日都笑，特別係講番似前啲事就笑得仲辛苦，我諗返學真係幾開心o架，希望我第時返學都可以識到一班知心friends就好嘞！
媽me話有一日收到一位奶粉推銷亞姨電話，佢問候我o既成長情況，真係好有心。佢仲提醒媽me可以為我o既牙齒開始清潔！唔錯ya、幾好、好有意思，又有「民意基礎」，(前一晚問過吓我咁啦！我冇話唔好。)真係福為民開！我梗係支持GST_Great shiny tooth啦！
Posts
All Comments
