Yr.4_31/5/09

Yr.4_30/5/09_開餐時間

阿妹，開餐時間到啦！不過，呢支係我嘅，你嗰支婆婆開緊，請耐心等一陣，應該難唔到你嘅，你份人咁隨和。

Yr.4_29/5/09_阿妹攪我

在恩︰「Daddy，阿妹攪我隻眼呀！」
Daddy︰「係呀？佢同你玩咋。」

Yr.4_28/5/09_在恩作品

我依家都有份幫手揸機影相，我最擅長捕捉人生嘅喜、怒、哀、樂，你睇媽me笑得燦爛嘅一面都俾我攝入鏡頭內。媽me笑啲乜？笑我揸住部DSLR猛咁㩒個快門掣，好似個小記者喺度不停影咁囉。
註︰至於阿妹嗰一面唔係「怒」，而係「呆」，多謝。

Yr.4_27/5/09_睡前指定動作

我臨瞓前有一啲習慣，就係飲支奶，然後擦牙，再聽媽me講故事，同埋祈禱。就算有幾眼瞓，我一定要做齊，仲要按住次序做，我至肯瞓覺。我做人好有原則。

Yr.4_27/5/09_蛋糕，我嚟啦！

其實，我都未係好知今日為邊位慶祝生日，只知道等咗成餐飯，我先可以分到呢件蛋糕。我唔客氣啦！媽me，祝你生日快樂（舊曆嗰個）！

Yr.4_19/5/09_大公園

今日放學後，Daddy同我去公園玩，我習慣稱呼嗰度為「大公園」，顧名思義地方好大，又有好多遊樂設施。我玩緊嘅呢個係新嘅，係一艘船。

Yr.4_10/5/09_共渡母親節

今日係母親節，對阿妹嚟講好新鮮，因為係第一次過，你睇佢咁望就知！而對媽me嚟講就更有意義，因為第一年有兩個寶貝女為佢慶祝！

Yr.4_8/5/09_果然享受

喺夕陽映照下，我同Daddy坐天星小輪去尖沙咀，最開心梗係手執果汁，簡直係人生最高享受！不過，代價係落船後要急住搵廁所。

Yr.4_6/5/09_米奇在哪？

我們於一間粉麵店惠顧後，在離開之際，在恩有所發現……

在恩︰「媽me，米奇呀！」

媽me雙眼四處搜尋，要找出在恩在哪裡看到米奇的蹤跡，是貼紙？是擺設？

媽me︰「喺邊度呀？」

在恩指著放在地上的祭品︰「呢度！」

原來在恩看到三個橙平放在碟上，是店鋪用作祭祀之用的，她覺得三個圓形物體放在一起，形成一個倒三角形，那就像是米奇老鼠了！想不到在在恩的創意之下，米奇會無處不在。

Yr.4_4/5/09_首次溜冰

Yr.4_4/5/09_溜冰鞋

我完成咗第一次溜冰嘅創舉，全程歷時一小時，等我除番對溜冰鞋先！然後，去食晚飯補充體力。

Yr.4_3/5/09_黃山谷

在恩︰「Daddy，我哋一齊去黃山谷吖！」
Daddy︰「不如我哋影張相先啦？」
在恩︰「唔好啦！我想去黃山谷呀！」
Daddy很想將在恩每個片段拍下來細細回味，所以千方百計要為她拍照。
Daddy︰「我哋出發前同阿妹影一張相先……吖！睇下你帶啲乜去黃山谷？」
在恩︰「好！」
在恩一邊耐心等待Daddy拿著相機對來對去、按來按去，一邊介紹自己的裝備。
在恩︰「我帶咗地圖、書包、鼓（左手拿著），仲有著咗波鞋（在恩習慣在家赤腳的）、帶咗帽、太陽眼鏡。」
影完相，終於出發了。
在恩︰「等我哋睇下地圖先吖！」
Daddy︰「係！隊長！」
在恩︰「嗰邊！我哋要經過寂靜嘅森林。」

還未告訴大家，如果你不知道哪裡是黃山谷，那你要看下Dora卡通片了。在恩還說那裡有「搗蛋怪」！真不知在恩為何突然會玩起這個Dora角色扮演玩意來！

Yr.4_2/5/09_OK!

著裙？OK！雖然好動嘅我好鍾意著褲，但係呢條裙咁靚，我梗係著啦！多謝舅母！

Yr.4_1/5/09_樹枝人

在恩︰「Daddy，你做惡人！」（按︰在恩所指的「惡人」泛指不義之士，與正義朋友如警察相對。）

Daddy︰「咁，你做乜？」

在恩︰「樹枝人！」（估佢唔到！）

在恩就這樣向Daddy揮動樹枝當武器，警惡懲奸。

Yr.4_1/5/09_劍道十段

阿妹，小心！